MMus Technoleg Cerddoriaeth Creadigol (Dysgu o Hirbell)
Dwy Flynedd
Mae’r rhaglen ar gyfer cerddorion gweithgar sydd am hyrwyddo’u
gyrfa yn y proffesiwn cerddoriaeth. Caiff ei darparu’n gyfan gwbl
ar-lein trwy Amgylchedd Dysgu Rhithwir, sy’n caniatáu i fyfyrwyr
mewn unrhyw ran o’r byd astudio ar sail hyblyg, gan gychwyn ar
unrhyw adeg yn y flwyddyn. Bydd y rhaglen ddwy-flynedd yn darparu’r
sgiliau gofynnol a’r technegau ymarferol i chi allu creu portffolio
cyffrous o gerddoriaeth newydd gan ddefnyddio’ch cyfrifiadur. Bydd
amrywiaeth o fodiwlau astudiaeth cefnogol, i weddu i’ch gofynion
a’ch diddordebau unigol, yn darparu ymdeimlad o gyd-destun ac
ymwybyddiaeth esthetig o’ch cerddoriaeth eich hunan ac eiddo
eraill. Bydd hyfforddiant un-i-un gyda thiwtor dynodedig yn
canolbwyntio ar eich projectau creadigol trwy gyfnewid ffeiliau
cerdd ac ebyst dros y rhyngrwyd a thrwy gyfrwng cynadledda fideo.
Bydd cyfle hefyd i ryngweithio gyda thiwtoriaid y cwrs a myfyrwyr
eraill trwy ddosbarthiadau a pherfformiadau rhithwir, hysbysfyrddau
trafod ar-lein, a blogiau.
Gofynion Mynediad
Fel rheol, disgwylir i ymgeiswyr fod â gradd 2:1 mewn
cerddoriaeth, ynghyd â phrofiad o weithio yn y diwydiant
cerddoriaeth.
Fodd bynnag, ystyrir ymgeiswyr sydd wedi graddio mewn maes
gwahanol ond sydd yn gerddorion gweithredol ochr yn ochr â’u
cyflogaeth gyfredol hefyd.
Mae’n rhaid i ymgeiswyr fod wedi cael profiad sylweddol o
weithio’n greadigol gydag adnoddau technoleg cerddoriaeth, a bod yn
gwbl gysurus a chyfarwydd â chyfrifiaduron a’r rhyngrwyd.
Sut Mae Ymgeisio
I gael mynediad i’r gwrs yma, rhaid ymgeisio’n uniongyrchol i’r
coleg gan ddefnyddio ein ffurflen gais.
Taliadau
Yn amodol ar gymeradwyaeth Bwrdd y Llywodraethwyr, y tâl rhaglen
ar gyfer myfyrwyr o’r DU yn cychwyn y cwrs yn ystod y flwyddyn
academaidd gyfredol (Medi 2010 i Gorffenaf 2011) fydd £4,095.