• Amdanom Ni
• Cyrsiau
• Bywyd Myfyrwyr
• Addysg Cyfrwng Cymraeg

MMus Perfformio Hanesyddol

Dwy Flynedd

Mae CBCDC wedi ennill ei blwyf erbyn hyn fel un o brif gyrchfannau Ewrop ar gyfer astudio perfformio hanesyddol, gyda staff digymar o athrawon ac artistiaid gwadd. I gyflenwi ei hyfforddiant o safon bydeang, CBCDC yw unig conservatoire y DU sydd â rhaglen Meistr mewn perfformio hanesyddol. Bydd y rhaglen, gan ganolbwyntio ar ddwy nod gyflenwol perfformio ac ymchwilio, yn ysgogi myfyrwyr i archwilio amrywiaeth eang o dechnegau er mwyn gwneud eu perfformio mor effeithiol ag sy’n bosibl. Trwy drafod a gwerthuso croes-ffrydiau cerddorol, hanesyddol ac athronyddol, bydd myfyrwyr yn dyfnhau eu dealltwriaeth o esblygiad arddull gerddorol. Trwy astudio ffynonellau gwreiddiol, dod yn gyfarwydd â phrosesau trawsysgrifio a golygu, a chael gwybodaeth am berfformio â nodiant a hebddo, byddant yn magu’r gallu i greu cyd-destun dynamig a hyddysg i’w perfformiadau.

Gofynion Mynediad

Mae mynediad i’r cwrs hwn drwy wrandawiad. Disgwylir i chi arddangos gallu perfformio addas ar gyfer hyfforddiant conservatoire uwch.

Fel rheol, disgwylir i ymgeiswyr fod â gradd 2:1 mewn cerddoriaeth, gydag elfen ymarferol sylweddol. Dylai ymgeiswyr sydd â gradd ond nid mewn cerddoriaeth fod â diploma ymarferol o sylwedd mewn cerddoriaeth.

Sut Mae Ymgeisio

Gwasanaeth Mynediad Conservatoires y DU, CUKAS, sy’n ymdrin â cheisiadau ar gyfer cyrsiau cerddoriaeth yn CBCDC a’r rhan fwyaf o conservatoires eraill y DU. Ceir cyfarwyddyd llawn ynglŷn ag ymgeisio trwy CUKAS yn www.cukas.ac.uk. Mae CUKAS yn codi £19.00 am ddefnyddio’r gwasanaeth. Gallwch gofrestru ar lein o’r 1af o Orffennaf 2011 yn www.cukas.ac.uk. Gallwch ddefnyddio’r gwasanaeth 24 awr y dydd o unrhyw le yn y byd i greu, cyflwyno a monitro hynt eich cais. At gyfer cyrsiau sy’n dechrau ym mis Medi dylech anfon eich cais erbyn y 1af o Hydref 2011.

Efallai y gallwn dderbyn ceisiadau gan CUKAS wedi’r dyddiad hwn os bydd llefydd yn dal i fod ar gael. Wedi’r 31ain o Fai 2011, cysylltwch yn uniongyrchol â ni am wybodaeth ynglŷn ag ymgeisio’r hwyr. Am wybodaeth bellach a chyngor ynglŷn ag ymgeisio trwy CUKAS, gallwch gysylltu ag Uned Gwasanaethau Cwsmeriaid CUKAS ar +44 (0) 871 468 0470 o ddydd Llun i ddydd Gwener o 08:30 tan 18:00.

Taliadau

Yn amodol ar gymeradwyaeth Bwrdd y Llywodraethwyr, y tâl rhaglen ar gyfer myfyrwyr o’r DU yn cychwyn ym mis Medi 2011 fydd £4,100 bob blwyddyn ar gyfer dwy flynedd (£8,200 yn y cyfanswm).