MA Cynllunio Theatr
Blwyddyn Lawn-amser ynghyd â Modiwl Hyblyg,
Rhan-amser
Os ydych eisoes yn gweithio yn y diwydiant ac am astudio ar sail
hyblyg, ran-amser, gellir dewis cyflwyno portffolio o dystiolaeth
yn seiliedig ar eich arfer proffesiynol, tra’n parhau i weithio.
Neu mi allwch drwytho eich hun mewn rhaglen flwyddyn, lawn-amser o
ddosbarthiadau sgiliau a rhai’n seiliedig ar broject, a bwrw ati’n
ymarferol gyda gwaith cynhyrchu byw. Gallwch arbenigo mewn
senograffiaeth (cynllunio set a gwisgoedd), cynllunio set,
cynllunio gwisgoedd, llunio gwisgoedd, cynllunio goleuo, cynllunio
sain neu bypedwaith. Pa lwybr bynnag a ddewisir, byddwch yn cymryd
rhan mewn arddangosfa fyw ar gyfer darpar-gyflogwyr yng Nghaerdydd
a Llundain. Yr elfen derfynol yn y radd Meistr yw portffolio
meddylgar yn seiliedig ar eich ymrwymiadau proffesiynol o fewn y
diwydiant. Bydd y Coleg yn eich helpu i ganfod ymrwymiadau
proffesiynol addas yn ogystal â darparu cefnogaeth ymarferol ac
academaidd. Mae’r amserlen ar gyfer cwblhau’r elfen hon yn flwyddyn
i bum mlynedd, yn dibynnu ar natur neilltuol eich ymrwymiad
proffesiynol.
Gofynion Mynediad
Bydd y gofynion mynediad lleiafswm arferol yn cynnwys gradd neu
gymhwyster cyfwerth mewn pwnc celf a dylunio.
Bydd ymgeiswyr heb gymwysterau ffurfiol ond sydd â lefel
eithriadol o allu ymarferol, profiad a chynnwys portffolio addas
hefyd yn cael eu hystyried.
Bydd y detholiad terfynol ar sail cyfweliad a phortffolio.
Sut Mae Ymgeisio
I gael mynediad i’r gwrs yma, rhaid ymgeisio’n uniongyrchol i’r
coleg gan ddefnyddio ein ffurflen gais.
Taliadau
Yn amodol ar gymeradwyaeth Bwrdd y Llywodraethwyr, y tâl rhaglen
ar gyfer myfyrwyr o’r DU yn cychwyn ym mis Medi 2011 fydd
£6,700.