MA Cynhyrchu Digwyddiadau
Blwyddyn Lawn-amser ynghyd â Modiwl Hyblyg,
Rhan-amser
Mae’r rhaglen hon – ar gyfer pobl â’u bryd ar yrfa mewn
digwyddiadau fel Rheolwyr Cynhyrchu, Rheolwyr Technegol, Rheolwyr
Safle a Rheolwyr Llwyfan – yn adeiladu ar sail eich profiad
blaenorol mewn cynhyrchu digwyddiadau ac yn datblygu’r sgiliau uwch
a’r wybodaeth arbenigol ofynnol er mwyn hyrwyddo’ch gyrfa yn y
diwydiant hwn. Mae’r flwyddyn gyntaf yn rhaglen ddwys, lawn-amser
sy’n cyfuno elfennau a ddysgir a gwaith ymarferol ar o leiaf dri
digwyddiad byw, yn cynnwys sioe fasnach, sioe ffasiynau, a pharti
mawr neu ddawns haf. Mae lleoliad gwaith chwe-wythnos yn y
diwydiant perthnasol i’ch diddordebau proffesiynol yn elfen graidd
arall yn yr hyfforddiant. Gyda chefnogaeth ymarferol ac academaidd
a mentora gan diwtoriaid, byddwch yn gweithio wedyn tuag at
gwblhau’r rhaglen Meistr ar sail hyblyg, ran-amser trwy lunio
portffolio meddylgar yn seiliedig ar eich arfer proffesiynol.
Gofynion Mynediad
Bydd y gofynion mynediad lleiafswm nodweddiadol yn cynnwys gradd
neu gymhwyster cyfwerth ynghyd â phrofiad ymarferol perthnasol.
Fodd bynnag, ystyrir rhai sydd heb gymhwyster ffurfiol ond sydd
â phrofiad ymarferol sylweddol.
Rhaid i ymgeiswyr fod ag awydd profedig am weithio yn y
diwydiant digwyddiadau byw.
Detholir yn derfynol ar sail cyfweliad.
Sut Mae Ymgeisio
I gael mynediad i’r gwrs yma, rhaid ymgeisio’n uniongyrchol i’r
coleg gan ddefnyddio ein ffurflen gais.
Taliadau
Yn amodol ar gymeradwyaeth Bwrdd y Llywodraethwyr, y tâl rhaglen
ar gyfer myfyrwyr o’r DU yn cychwyn ym mis Ionawr 2011 fydd
£6,700.