• Amdanom Ni
• Cyrsiau
• Bywyd Myfyrwyr
• Addysg Cyfrwng Cymraeg

MA Celfyddydau Golygfaol ac Adeiladu ar gyfer y Llwyfan a’r Sgrîn

Blwyddyn Lawn-amser ynghyd â Modiwl Hyblyg, Rhan-amser

Mae’r rhaglen hon, sydd ar gyfer pobl sydd am fod yn arweinwyr ym maes gwireddu golygfaol fel Rheolwyr Project, Rheolwyr Cynhyrchu neu Gyfarwyddwyr Celf, yn canolbwyntio ar ddatblygu’r sgiliau rheoli a’r wybodaeth broffesiynol angenrheidiol. Mae’r rhaglen flwyddyn, lawn-amser yn cynnwys dosbarthiadau seiliedig ar broject, gwaith ymarferol ar gynyrchiadau byw a lleoliad gwaith proffesiynol. Byddwch yn magu dealltwriaeth drylwyr o’r broses gynllunio a gwybodaeth gymwysedig o holl feysydd rheoli project fel adeiladu, amserlennu, cyllidebu, iechyd a diogelwch, a rheoli risg. Gan weithio gyda BBC Cymru, Opera Cenedlaethol Cymru, y Theatr Genedlaethol ac Adran Gynllunio Ffilm a Theledu Prifysgol Morgannwg, byddwch yn magu profiad helaeth o arfer proffesiynol. Ar ôl cwblhau’r rhaglen flwyddyn, lawn-amser, byddwch yn gweithio wedyn ar ran derfynol y rhaglen Meistr ar sail hyblyg, ran-amser trwy lunio portffolio meddylgar yn seiliedig ar eich ymrwymiad proffesiynol.

Gofynion Mynediad

Bydd y gofynion mynediad lleiafswm arferol yn cynnwys gradd neu gymhwyster cyfwerth mewn pwnc celf a dylunio.

Bydd ymgeiswyr heb gymwysterau ffurfiol ond sydd â lefel eithriadol o allu ymarferol, profiad a chynnwys portffolio addas hefyd yn cael eu hystyried.

Bydd y detholiad terfynol ar sail cyfweliad a phortffolio.

Sut Mae Ymgeisio

I gael mynediad i’r gwrs yma, rhaid ymgeisio’n uniongyrchol i’r coleg gan ddefnyddio ein ffurflen gais.

Taliadau

Yn amodol ar gymeradwyaeth Bwrdd y Llywodraethwyr, y tâl rhaglen ar gyfer myfyrwyr o’r DU yn cychwyn ym mis Medi 2011 fydd £6,700.