Undeb y Myfyrwyr
Mae ein Hundeb Myfyrwyr (UyM) llwyddiannus iawn yn chwarae rhan
ganolog ym mywyd y coleg. Mae swyddfeydd UyM yn stafell gyffredin y
myfyrwyr ac mae’r rhain, ynghyd â’r Pennaeth Gwasanaethau Myfyrwyr,
yn ganolbwynt gwybodaeth a chyngor ar gyfer myfyrwyr.
UyM sydd hefyd yn rhedeg barrau’r coleg, lle cynhelir rhaglenni
bywiog o adloniant, yn cynnwys cwis wythnosol, nosweithiau
cerddoriaeth fyw rheolaidd, a digwyddiadau arbennig fel y Noson
Bafaria fythol boblogaidd.
Yn ystod Wythnos y Glas, mae digwyddiadau bob dydd sy’n rhoi
digonedd o gyfle i fyfyrwyr newydd gynefino a dod i adnabod ei
gilydd. Mae’r rhain yn cynnwys digwyddiadau penodol i groesawu
myfyrwyr ôl-raddedig a rhyngwladol, sy’n dod i uchafbwynt gyda
Dawns Haf Ffurfiol CBCDC, un o uchafbwyntiau’r calendr
cymdeithasol.