Addysg Cyfrwng Cymraeg

Nid yw’r coleg yn darparu cyrsiau cyfrwng Cymraeg a chyfrwng Saesneg ar wahân ond mae i bob cwrs academaidd fodiwlau neu gydrannau a all gael eu hastudio naill ai yn Gymraeg neu yn ddwyieithog. Anogir myfyrwyr I weithio yn y ddwy iaith fel rhan o’u rhaglen hyfforddi gyffredinol. O gofio natur ansicr y diwydiant, atgoffir myfyrwyr yn gyson bod gallu cynnal gyrfa lwyddiannus yn effeithiol yn y ddwy iaith yn amlwg o fantais iddynt. Mae’r coleg yn diffinio addysgu dwyieithog o dan un neu fwy o’r categorïau canlynol:

cyflwyno’r cwrs yn Saesneg gyda’r asesu ysgrifenedig ar gael yn Gymraeg neu i’r gwrthwyneb
cyflwyno’r cwrs yn Saesneg gyda’r asesu ymarferol ar gael yn Gymraeg neu i’r gwrthwyneb
cyflwyno’r cwrs yn Saesneg gyda’r gwaith llafar ar gael yn Gymraeg neu gan ddefnyddio cyfieithu ar y pryd, neu i’r gwrthwyneb
addysgu cyfrwng Cymraeg a Saesneg yn digwydd ar yr un pryd, gyda sesiynau wedi’u hamserlennu ar wahân mewn gwahanol ystafelloedd
rhai elfennau o’r cwrs ar gael yn Gymraeg
profiad gwaith mewn sefyllfa lle mae’r iaith yn wahanol i iaith cyflwyno’r cwrs

Caiff pob myfyriwr sy’n dymuno astudio’n ddwyieithog wybod ar ddechrau pob modiwl/cwrs am gategori/dull addysgu dwyieithog y modiwl/cwrs hwnnw.